Con Toşak üçün kubokda debüt

Sabah Azərbaycan kubokunun ilk yarımfinal oyunları keçiriləcək. “Xəzər Lənkəran” aprelin 17-də “Bakı”nın qonağı olacaq. Futboxleber.az-ın məlumatına görə, bu görüş klubların ümumilikdə 32-ci qarşılaşması kimi tarixə düşəcək.

 

9 ildir davam edən rəqabətdə qələbə sayında paytaxt futbolçuları üstündür. Onlar 11, "Xəzər Lənkəran" isə 8 dəfə meydanı qalib kimi tərk edib. Digər 12 görüşdə qalib müəyyənləşməyib. Ümumi top fərqində isə 31 qol vuran "Xəzər Lənkəran" 29 dəfə qapısında qol görüb.

 

Əvvəlki matçlardan 24-ü çempionat, 7-si kubok çərçivəsində olub. Kubokda paytaxt təmsilçisi 4, "Xəzər Lənkəran" 2 qələbəyə sevinib və 1 dəfə “sülh”lə ayrılıblar. Kubok oyunlarındakı top fərqində bakılılar öndədir – 8:7. Lakin bu 7 matçı özündə birləşdirən 4 dueldə hər komanda 2 dəfə qalib olub. 2006/07 və 2008/09 mövsümlərində duellər ¼ finala təsadüf edib. Əvvəl “Xəzər Lənkəran” (2:0 və 0:1) 2 il sonra isə bakılılar (0:1, 2:2) mərhələ adlayıb. 2009/10 mövsümündə finalda 1:2 hesabı ilə uduzan "Xəzər Lənkəran" növbəti il rəqibini dayandıra bilib. Həmin – 2 il əvvəlki duel indiki kimi yarımfinala təsadüf edib. Onda "Xəzər Lənkəran" səfər qolu ilə (1:0 və 1:2) mərhələ adlayaraq sonda 3-cü dəfə kubokun sahibi olub.

 

Son 3 ildə kuboku qazanan komandaların (2009/10 və 2011/12 mövsümlərində “Bakı”, 2010/11-də “Xəzər Lənkəran”) qarşılaşması “Xəzər Lənkəran”ın baş məşqçisi Con Toşakın Azərbaycan kubokunda debütü ilə əlamətdar olacaq. Komandanı 3 çempionat matçına çıxaran uelsli mütəxəssis 2 il əvvəl yarımfinalda “Bakı”nı udmaqla qazanılan kuboku yenidən Lənkərana gətirmək üçün daha 1 addımın atılmasına çalışacaq.

 

2004/05 22.08.2004 çempionat s 0:2

2004/05 23.02.2005 çempionat e 2:0

2005/06 22.08.2005 çempionat e 0:1

2005/06 17.02.2006 çempionat s 1:1

2006/07 26.08.2006 çempionat e 1:0

2006/07 26.02.2007 kubok         s 2:0

2006/07 04.03.2007 kubok         e 0:1

2006/07 17.03.2007 çempionat s 0:0

2007/08 04.11.2007 çempionat s 2:2

2007/08 04.05.2008 çempionat e 0:0

2008/09 26.10.2008 çempionat s 0:0

2008/09 25.02.2009 kubok          e 0:1

2008/09 11.03.2009 kubok          s 2:2

2008/09 18.04.2009 çempionat e 3:0

2009/10 25.11.2009 çempionat e 1:1

2009/10 29.11.2009 çempionat s 3:0

2009/10 11.04.2010 çempionat s 0:1

2009/10 15.05.2010 çempionat e 0:1

2009/10 23.05.2010 kubok          n 1:2

2010/11 02.10.2010 çempionat e 1:1

2010/11 27.11.2010 çempionat s 1:1

2010/11 02.04.2011 çempionat s 0:0

2010/11 27.04.2011 kubok          e 1:0

2010/11 04.05.2011 kubok         s 1:2

2010/11 13.05.2011 çempionat e 2:0

2011/12 21.10.2011 çempionat s 2:2

2011/12 21.12.2011 çempionat e 3:0

2011/12 19.03.2012 çempionat e 0:1

2011/12 14.04.2012 çempionat s 1:4

2012/13 18.11.2012 çempionat s 0:2

2012/13 06.12.2012 çempionat e 1:1