“Qəbələ”nin 3 futbolçusuna ümumilikdə 25 oyunluq cəza

Bu gün AFFA İntizam Komitəsinin növbəti iclası keçirilib. Futbolxeber.az-ın AFFA-nın rəsmi saytına istinadən verdiyi məlumata görə, toplantıda aşağıdakı qərarlar qəbul edilib:

11 aprel 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXX turunun “Qəbələ” - AZAL matçının 45-ci dəqiqəsində “Qəbələ” klubunun 44 №-li futbolçusu Ramazan Həsənov  idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

Oyunun 90+4-cü dəqiqəsində AZAL klubunun 25 №-li futbolçusu Adil Nağıyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

11 aprel 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXX turunun “İnter” – “Neftçi” matçında “Neftçi” klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

11 aprel 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXX turunun “Bakı” – “Xəzər Lənkəran” matçının 59-cu dəqiqəsində “Bakı” klubunun 19 №-li futbolçusu Elşən Rzazadə  idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

11 aprel 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXX turunun “Qarabağ” – “Rəvan” matçının 90+1-ci dəqiqəsində “Rəvan” klubunun 16 №-li futbolçusu İmran Təhmirazlı hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 manat cərimə olunur (maddə 42.3).

11 aprel 2014-cü il, 2013/2014 mövsümündə, Azərbaycan I divizionun XXV turunun “Energetik” – “Ağsu” matçında “Energetik” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 30-cu dəqiqəsində “Energetik” klubunun baş məşqşisi Sahib Qocayev texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanır, klub 100 manat cərimə olunur (maddə 62).

12 aprel 2014-cü il, 2013/2014 mövsümündə, Azərbaycan I divizionun XXV turunun MOİK – “Qaradağ Lökbatan” matçında MOİK klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 83-cü dəqiqəsində MOİK klubunun 15 №-li futbolçusu Azad Kərimov aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 400 manat cərimə olunur (maddə 38.3).

Oyunun 83-cü dəqiqəsində “Qaradağ Lökbatan” klubunun 9 №-li futbolçusu Mehdi Mehdiyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

13 aprel 2014-cü il, 2013/2014 mövsümündə, Azərbaycan I divizionun XXV turunun “Lokomotiv” – “Araz Naxçıvan” matçında “Araz Naxçıvan” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 33-cü dəqiqəsində “Lokomotiv” klubunun 18 №-li futbolçusu Kənan Cəfərov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur (maddə 37.1).

Oyunun 68-ci dəqiqəsində “Araz Naxçıvan” klubunun 2 №-li futbolçusu Aleksandr Kurtskeviç sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

13 aprel 2014-cü il, 2013/2014 mövsümündə, Azərbaycan I divizionun XXV turunun “Kəpəz” – “Göyəzən” matçının 41-ci dəqiqəsində “Kəpəz” klubunun 8 №-li futbolçusu Şərif Həsənovla “Göyəzən” klubunun 2 №-li futbolçusu İbrahim Hacıyev biri-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün futbolçular 3 oyunluq cəzalanır, hər iki klub 200 manat cərimə olunur (maddə 42.1).

13 aprel 2014-cü il, 2013/2014 mövsümündə, Azərbaycan I divizionun XXV turunun “Bakılı” – “Turan-T” matçının 40-cı dəqiqəsində “Turan-T” klubunun 12 №-li futbolçusu Mehman Hacıyev sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur (maddə 48).

Qeyd: İntizam Komitəsinin 08.04.2014-cü il tarixli iclasında “Bakılı” klubu I divizionun “Şahdağ” – “Bakılı” matçında iştirak etmədiyinə görə kluba 0:3 hesablı texniki məğlubiyyət verilmiş, lakin pul cəriməsi göstərilməmişdir. Bu səbəbdən də İntizam qaydalarına uyğun olaraq klub 500 manat cərimə olunur.

9 aprel 2014-cü il U-19 Liqasının “Simurq” – “Qəbələ” matçının 90+3-cü-ci dəqiqəsində “Qəbələ” klubunun 74 №-li futbolçusu Yusif Nəbiyev, 77 №-li futbolçusu Ehtiram Şahverdiyev hakimə fiziki təsir göstərdiyinə görə birbaşa qırmızı vərəqə alaraq meydandan kənarlaşdırıldıqları üçün hər iki futbolçu 10 oyunluq cəzalanır (maddə 38.6).

Oyunun 90+3-cü-ci dəqiqəsində “Qəbələ” klubunun 30 №-li futbolçusu Emin Zamanov hakimə fiziki təsir göstərməyə cəhd etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 5 oyunluq cəzalanır (maddə 38.5).

9 aprel 2014-cü il U-19 Liqasının “Sumqayıt” – AZAL matçının 44-cü dəqiqəsində AZAL klubunun 3 №-li futbolçusu Coşqun Behbudov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

9 aprel 2014-cü il U-19 Liqasının “İnter” – “Neftçi” matçının 42-ci dəqiqəsində “Neftçi” klubunun 12 №-li futbolçusu Ziyadxan Məmmədov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

Oyunun 85-ci dəqiqəsində “İnter” klubunun 3 №-li futbolçusu Fərhad Budaqov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

10 aprel 2014-cü il U-16 Liqasının “Qəbələ” – “Rəvan” matçının 39-cu dəqiqəsində “Rəvan” klubunun 21 №-li futbolçusu Dərya Əbubəkir idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

13 aprel 2014-cü il U-14 Liqasının “Rəvan” – “Neftçi” matçının 28-ci dəqiqəsində “Neftçi” klubunun 28 №-li futbolçusu Vüsal Mustafayev kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 37.1).

Oyunun 39-cu dəqiqəsində “Rəvan” klubunun 4 №-li futbolçusu Musa Məmmədov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).

13 aprel 2014-cü il U-14 Liqasının “Əlincə” – “Qarabağ” matçının 40-cı dəqiqəsində “Əlincə” klubunun 29 №-li futbolçusu Hikmət Verdiyev kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 37.1).

Oyunun 47-ci dəqiqəsində “Əlincə” klubunun məşqçisi Amiran Minaşvili texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanır (maddə 62).

Oyunun 50-cı dəqiqəsində “Qarabağ” klubunun 10 №-li futbolçusu Səid Əliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 37.1).

13 aprel 2014-cü il Atena U-12 Liqasının “Bakı” – “Rəvan” oyununun 35-ci dəqiqəsində “Rəvan” klubunun baş məşqçisi Araz Bağırov texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanır (maddə 62).

13 aprel 2014-cü il Həvəskarlar arasında Azərbaycan birinciliyinin “Qaraçala” – “Səhliyalı” matçının 90+1-ci dəqiqəsində “Qaraçala” klubunun 3 №-li futbolçusu Nazim Mustafayev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanır (maddə 42.3).