H.Cəbrayıloğlu: “Bu, ədalətsiz qərardı”

“Bu, ədalətsiz qərardı”. Futbolxeber.az-ın məlumatına görə, bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu dedi.

Bu gün AFFA İntizam Komitəsi tərəfindən 5 oyunluq cəzalanan H.Cəbrayıloğlu Ramil Diniyevlə aralarında olan mübahisəyə belə aydınlıq gətirdi: “Oyundan sonra hakimlər otağının qarşısında Ramil Diniyevə dedim ki, “bu nə qərarlardı verdin”. O da mənə qayıtdı ki, “yaxşı eləmişəm, əlimin içindən gəlir”. Onun bu sözlərindən sonra aramızda mübahisə düşdü”.

Klub rəsmisi hələlik qərardan şikayət edib-etməyəcəklərini qeyd etdi: “Hazırda         Qəbələdəyəm. Qərarı da elə indi öyrəndim. Ona görə də indidən qərardan şikayət edib, etməyəcəyimizi bilmirəm”.