Tərlan Əhmədov: “Mövsümün sonunda futbolçuların çoxundan imtina olunacaq”

“Komanda ikinci dövrədə ümumiyyətlə iki xal toplayıb. Çətin psixoloji durumdayıq, bundan çıxmaq lazımdır”. Futbolxeber.az-ın məlumatına görə, bu sözləri “Sumqayıt”la oyundan sonra AZAL-ın baş məşqçisi Tərlan Əhmədov deyib.

Yeni klubunda ardıcıl ikinci yenilgisini alan Əhmədov, komandasının istəksiz oynadığını qeyd edib: “Bir neçə futbolçuda istək hiss olunur, amma çoxu istəksiz oynayır. Bunun səbəbini araşdıracağıq. Komanda artıq uduzmağa alışır, əcnəbi futbolçular əvvəlki futbolu oynamırlar. İstək olmasa, rəqabətdə irəli gedə bilmərik. Görünür ki, bəzi futbolçular bu rəqabətə hazır deyil. Müdafiədən bu cür səhvləri gözləmirdim. Belə getsə, mövsümün sonunda futbolçuların çoxundan imtina olunacaq”.