“İnter”: sayca 83-cü, ilk ispaniyalı

Premyer Liqanın 27-ci turu çərçivəsində keçirilən “Qəbələ” -“İnter” matçı “bankirlər” üçün bir sıra statistik göstəricilərlə əlamətdar olub. Futbolxeber.az-ın klubun rəsmi saytına istinadən verdiyi məlumata görə, görüşdə fərqlənmiş Mikel Alvaro Azərbaycan çempionatda “İnter” üçün qol vurmuş sayca 83-cü futbolçu olub. Bu oyunçu ölkə çempionatında “İnter”in formasında qol vurmuş ilk ispaniyalı futbolçu kimi tarixə düşüb. Xatırladaq ki, hazırda komandada oynayan və aktivində 29 qol olan Baçana Tsxadadze “İnter”in ən yaxşı bombardiridir.

Qeyd edək ki, “İnter”in tarixində yerli futbolçulardan başqa Belarusdan, Ukraynadan, Serbiyadan, Nigeriyadan, Litvadan, Uruqvaydan, Bolqarıstandan, Latviyadan, Moldovadan, Braziliyadan, Gürcüstandan, Estoniyadan, Makedoniyadan, Seneqaldan, Toqodan, Konqodan, Xorvatiyadan, Kosta-Rikadan və Fransadan olan futbolçular da fərqləniblər.