“Kalonas kimdi ki… vurub, gözünü çıxardaram”

“Belə söhbətin olması gülməlidir. Biz kimik ki, hansısa futbolçunun taleyini müəyyənləşdirək? Kalonasın “Bakı”dan getməsində bizim heç bir rolumuz olmayıb”. Futbolxeber.az-ın məlumatına görə, bu sözləri “Bakı”nın və millimizin hücumçusu Rauf Əliyev deyib.

106 FM-də yayımlanan “Footballife” proqramında qonaq olan Rauf Əliyev Mindauqas Kalonasla yola getmədiyi haqda sualı da cavablandırıb.

Əliyev litvalı futbolçu haqda sərt açıqlamalar verib: “Kalonas elə bir insandır ki, komandanın 90 faiziynən problem yaşayırdı. Onun bizə qarşı etdiyi hərəkətləri heç kim götürməz. Kalonas kimdi ki…Tək mən yox, onun dediyi sözləri heç kim götürməzdi. Hətta biz səbrli davranırdıq. Yenə deyirəm, onun sözlərini qəbul etmərəm, hətta vurub gözünü çıxardaram”.

106 FM-də yayımlanan “Footballife” proqramının informasiya dəstəyi Futbolxeber.az saytıdır.