“Xəzər Lənkəran” “Neftçi” ilə oyunun hazırlıqlarına istirahət etmədən başladı

Premyer Liqanın XXVII turunda dünən doğma meydanda “Simurq” klubuna 1:3 hesabı ilə məğlub olan “Xəzər Lənkəran” istirahət etmədən məşqlərə davam edəcək. Futbolxeber.az-ın məlumatınba görə, bu gün komandanın toplantısı keçirilib. Son matçın analizi aparıldıqdan sonra məşqçilər korpusu tərəfindən komandanın sərbəst buraxılmayacağı və qarşıdakı günlərdə istirahətsiz məşq edəcəyi qeyd edilib. Komanda günün ikinci yarısında məşqə çıxıb.

“Simurq”la oyunda çıxış edən futbolçuların yüngül qaçışla kifayətləndiyi və həmin qarşılaşmanı ehtiyat skamyada keçirən futbolçuların tam şəkildə iştirak etdiyi bugünki hazırlıq prossesinin ardından daha bir məşq sabah səhər saat 11:00-da olacaq. Sabah günorta saatlarında isə komanda Lənkəranı tərk edərək Bakıya yola düşəcək.

Xatırladaq ki, “Xəzər Lənkəran” Premyer Liqanın XXIII turu çərçivəsində mart ayının 29-da “Neftçi” klubunun qonağı olacaq.