“Xəzər Lənkəran” və “Qarabağ”ın futbolçularına Makedoniyadan dəvət gəldi

Makedoniya millisinin heyəti açıqlanıb. Futbolxeber.az-ın məlumatına görə, baş məşqçisi Boşko Curovskinin dəvət göndərdiyi futbolçular arasında ölkəmizdə legioner həyatə yaşayan 2 futbolçu da var. Söhbət “Xəzər Lənkəran”ın üzvü Dejan Blajevski və “Qarabağ”lı Muarem Muaremdən gedir.

Qeyd edək ki, ilk dəfə “Xəzər Lənkəran”ın sabiq baş məşqçisi Con Toşakın vaxtında yığmaya çağırılan Muarem millidə indiyədək 4 oyun keçirib. Blajevski isə 2 oyun keçirib və 1 qol vurub.