Foqts: “Belə vəziyyətdə Azərbaycan necə mübarizə aparsın?”

Milli komandamızın baş məşqçisi Berti Foqts AVRO-2016-nın seçmə mərhələsi barədə danışıb. Futbolxeber.az-ın məlumatına görə, alman mütəxəssis üçüncü yer uğrunda mübarizə aparacaqlarını bildirib: “Bizim futbolçular indiyədək heç vaxt böyük turnirlərin final mərhələsində oynamaq imkanı qazanmayıblar. Düşünürəm ki, Avropa çempionatının iştirakçılarının sayının 16-dan 24-ə qədər artırılması belə bir şans yaradır. Norveç və Bolqarıstanla 3-cü yer uğrunda mübarizə apara bilərik. Assosiasiyanın nə qədər iş gördüyünü nəticələrimizlə göstərməliyik. Amma indi bizim aprel və avqustda yoxlama oyunlarımız yoxdur. Noyabrdakı yoxlama oyunumuz da it-bata düşüb. Belə vəziyyətdə Azərbaycan necə mübarizə aparsın?”