Mustafa Dənizli Xocalı soyqırımından danışdı

Premyer Liqanın XXIV turunda doğma meydanda “İnter”i qəbul edəcək “Xəzər Lənkəran” hazırlıqlarını davam etdirir. Futbolxeber.az-ın məlumatına görə, komanda bu gün saat 11:00-da stadionun ehtiyat meydançasında məşqə çıxıb. Hazırlıq prossesindən əvvəl komandanın toplantısı keçirilib. Toplantıda Xocalı faciəsi anılıb. Baş məşqçi Mustafa Dənizlinin Xocalı soyqırımı haqqında ətraflı çıxışı və komandanın tərcüməçisi Elvar Quliyevin də baş məşqçinin dediklərinə bəzi tarixi faktları əlavə etməsi legioner futbolçuları çox təsirləndirib. Eyni zamanda stadion əməkdaşlarını isə baş məşqçi Mustafa Dənizlinin Xocalı soyqırımı barədə bu qədər geniş informasiyaya malik olması heyrətləndirib. Toplantı bitdikdən sonra isinmə hərəkətləri ilə futbolçular məşqə başlayıblar. Qeyd edək ki, dünən olduğu kimi bu gün də zədəli futbolçular - Rasim Ramaldanov, Rahid Əmirquliyev və Etame Mbilla məşqdə iştirak edə bilməyiblər.