Millimiz İtaliya, Malta, Bolqarıstan, Norveç və Xorvatiyayla eyni qrupda (Yenilənib)

Bu gün AVRO-2016-ın seçmə mərhələsinin püşkü atılacaq. Futbolxeber.az-ın məlumatına görə, turnirə ev ahibliyi edəcək Fransanın Nitsa şəhərində baş tutacaq püşkatma mərasimi Bakı vaxtı ilə saat 15:00-da başlayacaq. Püşkatmada iştirak edəcək 53 komanda UEFA-nın reytinq siyahısına uyğun olaraq 6 səbətə bölünüb. Azərbaycan milli komandası V səbətdə yer alıb. Püşk zamanı isə komandalar hərəsində 6 yığma olmaqla 8 qrupa bölünəcək. Lakin sonuncu - 9-cu qrupda 5 komanda final mərhələsinə vəsiqə qazanmaq uğrunda yarışacaq.

Qeyd edək ki, bəzi ölkələr arasında mövcud olan diplomatik gərginlik səbəbindən Azərbaycanla Ermənistan, İspaniya ilə Cəbəllütariq və Rusiya ilə Gürcüstan yığmaları eyni qrupda yer ala bilməyəcək.

A qrupu: Hollandiya, Qazaxıstan, İslandiya, Latviya, Türkiyə, Çexiya

B qrupu: Bosniya və Hersoqovina, Andorra, Kipr, Uels, İsrail, Belçika

C qrupu: İspaniya, Lüksemburq, Makedoniya, Belarus, Slovakiya, Ukrayna

D qrupu: Almaniya, Cəbəllütariq, Gürcüstan, Şotlandiya, Polşa, İrlandiya

E qrupu: İngiltərə, San-Marino, Litva, Estoniya, Sloveniya, İsveçrə

F qrupu: Yunanıstan, Farer adaları, Şimali İrlandiya, Finlandiya, Rumıniya, Macarıstan

G qrupu: Rusiya, Lixtenşteyn, Moldova, Çernoqoriya, Avstriya, İsveç

H qrupu: İtaliya, Malta, AZƏRBAYCAN, Bolqarıstan, Norveç, Xorvatiya

I qrupu: Portuqaliya, Albaniya, Ermənistan, Serbiya, Danimarka