“Hall Siti”nin futbolçusu qəzaya düşdü, avtomobili aşdı

“Hall Siti”nin yarımmüdafiəçisi Sorba Tomas məşqə gedərkən avtomobil qəzasına düşüb.

Futbolxeber.az saytının məlumatına görə, bu barədə İngiltərə klubu açıqlama yayıb.

Hadisə komandanın Kottinqemdəki məşq bazasının yaxınlığında baş verib. Futbolçunun idarə etdiyi avtomobil aşıb. Klubdan bildirilib ki, Tomas qəza zamanı xəsarət almayıb və avtomobildən özü çıxıb.

“Hall Siti” həmçinin futbolçunun avtomobilinin qəza vəziyyətində olan görüntülərinin sosial şəbəkələrdə yayıldığını bildirib və azarkeşləri onun səhhəti ilə bağlı narahat olmamağa çağırıb.

Qeyd edək ki, Tomas sentyabrın 1-də “Stok Siti”dən “Hall Siti”yə keçib. O, yeni komandasında 7 oyunda 2 məhsuldar ötürmə ilə yadda qalıb.