Mahir Emrelinin qolu “Rakuv”a bəs etmədi

Azərbaycan millisinin üzvü Mahir Emreli “Rakuv”un heyətində Konfrans Liqasının pley-off mərhələsinin "Hayduk"la cavab oyununda meydana çıxıb.

Futbolxeber.az saytının məlumatına görə, matç Xorvatiya təmsilçisinin 3:2 hesablı qələbəsi ilə başa çatıb. İlk oyun 2:2 hesabı ilə yekunlaşdığından “Hayduk” ümumi hesabda 5:4 qalib gələrək növbəti mərhələyə yüksəlib.

Start heyətində yer alan Mahir 88-ci dəqiqədə qol vuraraq hesabı 2:2 edib və oyunun əlavə vaxtda davam etməsinə şərait yaradıb. Lakin burada "Hayduk" daha 1 qol vurmağı bacarıb. Beləliklə, “Rakuv” Konfrans Liqasında mübarizəni dayandırıb.

Qarşılaşmada sonadək meydanda qalan Mahir 89-cu dəqiqədə sarı vərəqə alıb

Qeyd edək ki, bu, 29 yaşlı hücumçunun "Rakuv"un heyətində Konfrans Liqasında 3-cü, ümumən isə 4-cü qolu olub.