Salahı Trabzonda 25 min azarkeş qarşıladı

Misir millisinin hücumçusu Məhəmməd Salah “Trabzonspor”a keçidini rəsmiləşdirdikdən sonra Trabzonda möhtəşəm şəkildə qarşılanıb.

Futbolxeber.az saytının məlumatına görə, özəl təyyarə ilə Trabzon hava limanına gələn ulduz futbolçunu 25 minə yaxın azarkeş qarşılayıb.

“Bordo-mavililər”in fanatları məşəllər yandıraraq Salahı alqışlarla və şüarlarla salamlayıblar.

Salah əvvəllər belə qarşılanma görmədiyini bildirib: “Əvvəlcə deyim ki, burada olduğum üçün inanılmaz dərəcədə xoşbəxtəm. Açığı, nə qədər təəccübləndiyimi və nə qədər sevindiyimi sözlə ifadə etməkdə çətinlik çəkirəm. Çünki burada 25 min nəfər var. İnanın, əvvəllər belə qarşılanmanı gördüyümü xatırlamıram”.

Misirli futbolçu klubun uğurları üçün əlindən gələni edəcəyini də vurğulayıb: “Burada olduğum üçün çox xoşbəxtəm. Həm çempionatda, həm də Avropada uğur qazanmaq üçün çox çalışacağıq. Çıxış etdiyim bütün klublarda uğurlar əldə etmişəm. Həmişə uğurlu futbolçu olmuşam. Burada da vəzifəm bunu davam etdirmək olacaq”.