ABŞ klubu Axundzadənin müqaviləsindəki detalları açıqladı

ABŞ-nin “Kolumbus Kryü” klubu azərbaycanlı futbolçu Nəriman Axundzadənin Türkiyənin “Erzurumspor” komandasına keçidi ilə bağlı açıqlama yayıb.

Futbolxeber.az saytının məlumatına görə, açıqlamada bildirilib ki, 22 yaşlı Türkiyənin “Erzurumspor” klubuna icarəyə verilib.

İcarə müqaviləsi 2027-ci ilin sonunadək nəzərdə tutulub. Razılaşmaya əsasən, Türkiyə təmsilçisinin Nəriman Axundzadəni icarə müddətinin sonunda birdəfəlik transfer etmək hüququ da var.

Xatırladaq ki, “Erzumrumspor” da açıqlama yayaraq bildirib ki, Axundzadə tezliklə tibbi müayinədən uğurla keçdikdən sonra rəsmi müqaviləyə imza atacaq.