“Yuventus” müdafiəçi transfer edir

“Yuventus” növbəti transferini reallaşdırmağa yaxındır.

Futbolxeber.az saytının məlumatına görə, “Bolonya”nın mərkəz müdafiəçisi Con Lukumi Turin klubuna keçməyə razılıq verib. Bu barədə jurnalist Nikola Skira məlumat yayıb.

O qeyd edib ki, 28 yaşlı futbolçu ilə 5 illik müqavilə imzalanacaq. Lukuminin “Yuventus”dakı illik qazancı 2,5 milyon avro təşkil edəcək.

Keçidin reallaşması üçün “Qoca Sinyora” “Bolonya” ilə də razılığa gəlməlidir.

Qeyd edək ki, Lukumi ötən mövsüm 43 matçda meydana çıxıb, 1 qol vurub və 1 məhsuldar ötürmə müəllifi olub.