Roman Salenko: “Qarabağ” keyfiyyətli futbol nümayiş etdirir”

Kiyev “Dinamo”sunun futbolçusu Roman Salenko UEFA Konfrans Liqasının üçüncü təsnifat mərhələsində “Qarabağ”a qarşı keçirəcəkləri oyunlardan danışıb.

Futbolxeber.az saytının məlumatına görə, “Ukrainskiy futbol” nəşrinə danışan yarımmüdafiəçi Ağdam təmsilçisinin ötən mövsümkü çıxışına da toxunub:

“Bilirəm ki, “Qarabağ” ötən mövsüm Çempionlar Liqasında “Çelsi” ilə qarşılaşmışdı və səhv etmirəmsə, 2:2 hesablı heç-heçə etmişdi. “Qarabağ” çox keyfiyyətli futbol nümayiş etdirir. Onlar güclü və çətin rəqibdir. Amma biz onları keçməliyik”.

Xatırladaq ki, “Qarabağ” və “Dinamo” arasında ilk oyun avqustun 6-da Polşada, cavab matçı isə 1 həftə sonra Bakıda keçiriləcək.