Kazemiro: “Bu heyət dünya çempionu olmağa qadirdir”

Braziliya millisinin yarımmüdafiəçisi Kazemiro DÇ-2026-nın 1/16 finalında Yaponiyaya qarşı keçirdikləri oyundan danışıb.

Futbolxeber.az-ın FİFA-nın saytına istinadən verdiyi məlumata görə, 34 yaşlı yarımmüdafiəçi 2:1 hesablı qələbəni belə şərh edib:

“Motivasiyamız bizim əsas gücümüz idi. Biz dayanmadan hücumda rəqibə təzyiq göstərirdik. Endrik ikinci hissədə oyuna qoşulduqdan sonra bizə çox kömək etdi. Martinelli haqda da eyni sözləri deyə bilərəm. O da, Rafinyanı əvəzləyən Rayan da əla futbolçudur. Bu heyət dünya çempionu olmağa qadirdir”.

Qeyd edək ki, Braziliya millisi iyulun 5-də 1/8 finalda Kot-d’İvuar - Norveç cütünün qalibi ilə üz-üzə gələcək.