Braziliya millisinin rekord seriyası davam edir

Braziliya millisi DÇ-2026-nın 1/16 finalında Yaponiya millisi üzərində qələbə qazanıb - 2:1.

Futbolxeber.az saytının xarici KİV-ə istinadən verdiyi məlumata görə, bu qələbə sayəsində cənubi amerikalılar uğurlu seriyasını davam etdirib.

Belə ki, Braziliya millisi ardıcıl 23-cü dəfə iştirak etdiyi dünya çempionatında 23-cü dəfə ən yaxşı 16 komanda sırasına yüksəlib.

Tarixi ərzində “sambaçılar” yalnız iki dəfə mundialın 1/8 finalında uduzub. Komanda 1934-cü ildə İspaniyaya (1:3), 1990-cı ildə isə Argentinaya (0:1) uduzaraq 1/4 finaldan kənarda qalıb.

Xatırladaq ki, Braziliya millisi 5 dəfə dünya çempionu olub (1958, 1962, 1970, 1994, 2002), 2 dəfə finalda uduzub (1950, 1998), 2 dəfə isə bürünc medal (1938, 1978) qazanıb.