Ronaldinyo karyerasını bərpa edir

Braziliya millisinin sabiq üzvü Ronaldinyo peşəkar futbola qayıtmağa hazırlaşır.

Futbolxeber.az saytının "Sky Sport İtalia"ya istinadən verdiyi məlumata görə, 46 yaşlı əfsanəvi futbolçu İtaliya C Seriyasında çıxış edən "Ravenna" ilə müqavilə imzalayacaq. Ronaldinyonun təqdimat mərasiminin iyunun 23-də Mayamidə keçiriləcəyi bildirilir.

Qeyd olunur ki, braziliyalının komandada müntəzəm oynaması gözlənilmir. Onun yalnız qısa müddətlərdə meydana çıxacağı ehtimal edilir. Buna baxmayaraq, transfer klub üçün böyük media uğuru kimi qiymətləndirilir.

Xatırladaq ki, Ronaldinyo karyerasını 2018-ci ilin yanvarında başa vurduğunu açıqlamışdı. Onun son rəsmi oyunu isə 2015-ci ildə keçirilmişdi.