“Qarabağ”la oyunu ləğv etdilər

Bolqarıstanın ÇSKA klubu yay hazırlıq planında dəyişiklik edib.

Futbolxeber.az saytının məlumatına görə, bu barədə Sofiya klubunun yaydığı açıqlamada bildirilib.

Qeyd olunub ki, iyunun 27-də  “Qarabağ”a qarşı Avstriyada keçirilməsi nəzərdə tutulan yoxlama oyunu ləğv olunub.

Buna səbəb komandaların UEFA Avropa Liqasında bir-birinə rəqib ola bilmə ehtimalıdır.

Hər iki komanda Avroliqada 1-ci mərhələni adlasa, növbəti raundda üz-üzə gələcəklər.

Xatırladaq ki, “Qarabağ” iyunun 22-də Avstriyaya yollanacaq. Komanda Tirol əyalətində iyulun 2-dək hazırlıq keçəcək.

Ağdam klubu daha əvvəl elan etmişdi ki, təlim-məşq toplanışı çərçivəsində üç yoxlama oyununun keçirilməsi nəzərdə tutulub.

İyunun 27-si ÇSKA (Bolqarıstsn), iyulun 1-i isə “Metallist 1925” (Ukrayna) və “Ferentsvaroş”la (Macarıstan) yoxlama oyunlarının keçiriləcəyi bildirilmişdi.