Cəlal Hüseynovdan növbəti qol

Bolqarıstan çempionatında Konfrans Liqası qrupunun 35-ci turunun oyunları keçirilib.

Futbolxeber.az saytının məlumatına görə, Azərbaycan millisinin müdafiəçisi Cəlal Hüseynovun çıxış etdiyi “Arda” doğma meydanda “Lokomotiv” (Plovdiv) klubunu 4:0 hesabı ilə məğlub edib.

Hüseynov görüşə start heyətində çıxıb və sonadək meydanda olub. O, 51-ci dəqiqədə komandasının 4-cü qolunu vurub. Müdafiəçi 48-ci dəqiqədə isə sarı vərəqə ilə cəzalandırılıb.

Qeyd edək ki, bu, Cəlal Hüseynovun ardıcıl iki oyunda vurduğu üçüncü qol olub. O, bundan əvvəl komandasının “Botev”ə qalib gəldiyi (2:0) matçda komandasının hər iki qolunu vurub.

Beləliklə, bu, onun cari Bolqarıstan çempionatında 3-cü qoludur.

Hazırda “Arda” 51 xalla ümumi turnir cədvəlində 7-ci, çempionatın Konfrans Liqasına vəsiqə uğrunda mübarizə aparan qrupunda isə 3-cü pillədə qərarlaşıb.