“Qarabağ”ın hücumçusu Kolumbiya millisindən kənarda qaldı

Kolumbiya millisinin qarşıdakı yoldaşlıq oyunları üçün heyəti müəyyənləşib.

Futbolxeber.az saytının məlumatına görə, baş məşqçi Nestor Lorenzo 26 futbolçuya dəvət göndərib ki, onların arasında "Qarabağ"ın futbolçusu Kamilo Duran yoxdur. Halbuki daha əvvəl onun milli komandaya dəvət aldığı bildirilirdi. Hətta Durana dəvətlə bağlı məktub da AFFA-ya göndərilmişdi.

Qeyd edək ki, Kolumbiya millisi martın 21-dən 26-dək ABŞ-də təlim-məşq toplanışı keçəcək. Hazırlıq prosesi çərçivəsində Xorvatiya və Fransa ilə yoxlama oyunları da nəzərdə tutulub.