Azərbaycanlı futbolçunun “Rubin”ə keçidi yalan çıxdı

Müqavilə ilə Moskva “Spartak”ına məxsus olan Emin Mahmudovun “Rubin”ə keçidi haqda yayılan xəbərlər əsassızdır. Futbolxeber.az-ın məlumatına görə, bu haqda həmyerlimizin meneceri Aleksandr Manyakov açıqlama verib: “Bu haqda ilk dəfədir eşidirəm. “Rubin”lə hər hansı bir danışığımız olmayıb”.

Xatırladaq ki, Mahmudov mövsümün ilk yarısını icarə əsasında “Krılya Sovetov”da keçirib. Hazırda isə onun Samara klubunda qalmaq, “Spartak”a geri dönmək, eləcə də “Ural” və ya İsveçrə “Sion”una keçmək ehtimalı var.