Tiaqo Silva “Barselona”ya keçə bilər

PSJ-nin braziliyalı futbolçusu Tiaqo Silva maraqlı açıqlama verib. Futbolxber.az-ın məlumatına görə, nə vaxtsa “Barselona”ya keçə biləcəyini inkar etməyən təcrübəli müdafiəçi belə deyib: “Qapını kiminsə üzünə bağlamamalısan. Çünki, gələcəkdə nələrin baş verəcəyini heç kim deyə bilməz. Hazırki komandamda xoşbəxtəm. Ötən il menecerimlə “Barselona” rəhbərliyi arasında danışıqlar olmuşdu. Ancaq, PSJ-də Leanardoya söz vermişəm. Müqaviləm bitənə qədər burda qalacağam.  Uşaqlığımdan bəri “Barselona”ya azarkeşlik edirəm. Bu klubda Romario, Rivaldo, Ronaldo kimi futbolçular forma geyib”.