“Real”ın hücumçusu “Lion”a keçir

“Real”ın hücumçusu Endrik daha çox oyun praktikası qazanmaq üçün tezliklə klubunu dəyişəcək. 

Futbolxeber.az saytının məlumatına görə, bu barədə insayder Fabritsio Romano paylaşım edib.

O bildirib ki, 19 yaşlı forvard karyerasını “Lion”da davam etdirəcək. Keçid qış transfer pəncərəsi zamanı reallaşacaq.

İngiltərə klubları da braziliyalı futbolçunun xidmətində maraqlı olsa da, o, seçimini “Lion”un xeyrinə edib.

Qeyd edək ki, Endrik bu mövsüm cəmi 1 matçda meydana çıxıb. O, “Valensiya” ilə görüşün sonlarında forma şansı qazanıb.