“Atletik”in futbolçusu: “Qarabağ”ın 6 xal yığması məni təəccübləndirmir”

"Atletik”in yarımmüdafiəçisi Mikel Xaureqisar “Qarabağ”a qarşı keçiriləcək UEFA Çempionlar Liqasının 3-cü turunun oyunu barədə fikirlərini bildirib.

Futbolxeber.az saytının AS-a istinadən verdiyi məlumata görə, 21 yaşlı futbolçu oktyabrın 22-də “San Mames” stadionunda təşkil olunacaq matç haqda danışarkən Ağdam klubu barədə müsbət fikirlər səsləndirib.

O, bu qarşılaşmanı “final olmasa da, çox vacib” adlandırıb: “Komandamızı istəkli və motivasiyalı görürəm. Artıq Çempionlar Liqasında üç xal qazanmağın vaxtıdır. “Qarabağ” hazırda çox yaxşı formadadır, bu, çətin olacaq”, - deyə o qeyd edib.

Mikel Azərbaycan təmsilçisinin altı xalla liderlər qrupunda olmasının onu təəccübləndirmədiyini də vurğulayıb: “Bu, məni təəccübləndirmir. Çempionlar Liqasına heç bir komanda təsadüfən düşməyib. Onların yaxşı oyunçuları var və 2 oyundan altı mümkün xalı qazanıblar. Biz öz azarkeşlərimizin qarşısında oynayacağıq. Çətin matç olacağını gözləyirəm, amma oyuna nəzarəti ələ alıb üç xal qazana bilərik”.