“Bavariya” rəhbərliyi Riberiyə ad günü qeyd etməyə icazə vermədi

“Bavariya”nın fransız yarımmüdafiəçisi Frank Riberi dünən 30 yaşına qədəm qoyub. Futbolxeber.az-ın məlumatına görə, özünə ad günü məclisi təşkil etmək istəyən Riberi bunun üçün “Bavariya” rəhbərliyindən icazə istəsə də, rəhbərlik ona “yox” cavabın verib. Futbolçunun ad günü yığıncağı “Yuventus”la oyundan sonraya təxirə salınıb. Bununla bağlı mətbuata açıqlama verən klub rəsmisi Matias Zammer belə  deyib: “Məclislər təşkil edib, şənlik etmək çempionlara xas olan bir xüsusiyyətdir. Bu bizə yaraşır və zövq verir.  Ancaq, çox vacib bir oyun öncəsi özümüzü itirməməli və bütün fikrimizi bu matça yönəltməliyik. “Yuventus” da 1997-ci ildə ÇL-nın finalından öncə, ölkə çempionatındakı birinciliyi təntənəli şəkildə qeyd etdi və “Borussiya” ilə ÇL-nın final oyununda məğlubiyyətə uğradı. “Yuve” belə erkən sevinməsəydi, Dortmund klubu Avropa birincisi ola bilməzdi”.