Polşa millisinin müdafiəçisi “Portu”da

“Portu” növbəti transferini reallaşdırıb.

Futbolxeber.az-ın klubun saytına istinadən verdiyi məlumata görə, Portuqaliya təmsilçisi Yan Bednareki transfer edib.

Poşalı müdafiəçi yeni klubu ilə 4 illik müqavilə imzalayıb. Keçid “Portu”ya 7,5 milyon avroya başa gəlib.

Qeyd edək ki, “Lex”in yetirməsi olan Bednarek vətənində “Qurnik”də, İngiltərədə isə “Aston Villa” və “Sautgempton”da forma geyib.

O, ötən mövsüm “Sautgempton”in heyətində meydana çıxdığı 34 matçda 2 qol vurub. Polşa yığmasında isə Bednarek 69 matçda 1 dəfə fərqlənib.