Qvardiola: “Mənim 75 yaşım var”

“Mançester Siti”nin baş məşqçisi Xosep Qvardiola GQ jurnalına müsahibəsində bioloji yaşı barədə danışıb.

Futbolxeber.az saytının məlumatına görə, jurnalistin “Bu yaxınlarda Kriştianu Ronaldo bəyan etdi ki, onun bioloji yaşı 28-dir. Bəs Pep Qvardiolanın yaşı neçədir?” sualını ispan mütəxəssis belə cavablandırıb:

“Mənim 75 yaşım var (gülür). Mən tam dağılmışam, hər yerim ağrıdır. Bəlkə də test versəm, daha gənc olduğum müəyyənləşər. Ümid edirəm ki, zamanla indiki ilə müqayisədə vəziyyət yaxşılaşacaq”.

Qvardiola həmçinin bildirib ki, “Mançester Siti”dən ayrıldıqdan sonra müəyyən qədər məşqçi karyerasına fasilə verəcək.

Xatırladaq ki, hazırda 54 yaşı olan mütəxəssisin “Mançester Siti” ilə müqaviləsi 2 ildən sonra bitir.