Lippi: “Yuventus” mərhələni keçə bilər"

Təcrübəli məşqçi Marçello Lippi maraqlı açıqlama verib. Futbolxeber.az-ın məlumatına görə, Lippi açıqlamasında “Yuventus”un “Bavariya” səddini keçəcəyinə inandığını söyləyib: “Ötən həftə meydanda mükəmməl bir “Bavariya” izlədik. Onların “Real” və “Barselona” kimi klublarla eyni səviyyədə olmasını bilirik. “Yuve” də Almaniyadakı oyuna çox arxayın çıxmışdı. İtaliyada isə tamam fərqli oyuna şahidlik edəcəyik. Əgər “Yuventus” erkən qolu vura bilsə, cütün taleyini həll etmək şansını əlinə keçirəcək. Yetər ki, öz oyunlarını oynasınlar. Belə olsa, yarımfinala çıxmaq mümkün olacaq”.