Mançini: “Mançester Yunayted”ə qarşı sərt oynayacağıq”

“Mançester Siti”nin italiyalı baş məşqçisi Roberto mançini maraqlı açıqlama verib. Futbolxeber.az-ın məlumatına görə, bu gün “Mançester Yunayted”in qonağı olacaq “şəhərlilər”in baş məşqçisi, rəqibə qarşı sərt oyun nümayiş etdirəcəklərini bildirib: “Mançester Yunayted”ə qarşı qorxaq futbol oynamaq olmaz. Bir çox Premyer liqa klubları “Qırmızı Şeytanlar”la oyunda “yumşaq” oyuna üstünlük verir. Bu da onların məğlubiyyətinə gətirib çıxarır. Bu komandayla oyundan yalnız sərt futbolla nəticə qazanmaq olar. Biz də məhz bu üslubu tətbiq etməyə çalışacağıq”.