Polşa millisinin baş məşqçisi istefa verdi

Polşa millisinin baş məşqçisi Mixal Probej istefa verib.

Futboloxeber.az saytının məlumatına görə, bu barədə Polşa Futbol Assosiasiyası açıqlama yayıb.

Onun öz istəyi ilə yığmadan ayrıldığı bildirilib.

Probej bir müddət əvvəl millinin lideri Robert Levandovskidən kapitanlıq sarğısını almışdı. 37 yaşlı hücumçu isə baş məşqçi dəyişdirilənədək millidə oynamayacağını açıqlamışdı.

52 yaşlı mütəxəssis qərarı ilə bağlı bunları deyib: "Belə qənaətə gəldim ki, hazırkı vəziyyətdə milli komandanın xeyrinə ən yaxşı qərar mənim baş məşqçi postundan getməyim olardı. Bu funksiyanı yerinə yetirmək mənim arzularımın həyata keçməsi və həyatımdakı ən böyük şərəf idi".

Qeyd edək ki, Mixail Probej 2023-cü ilin sentyabrından Polşa millisini çalışdırırdı.