Emreli mövsümün son turunda oynaya biləcək?

“Nürnberq”də çıxış edən Azərbaycan millisinin hücumçusu Mahir Emrelinin əzələsindəki problem aradan qalxmaqdadır.

Futbolxeber.az saytının məlumatına görə, o, son günlər fərqdi məşqlər edirdi. Bu səbəbdən Emrelinin 2-ci Bundesliqanın son turunda – mayın 18-si Braunşveyq "Ayntraxt"ına qarşı səfər matçında iştirak edib-etməyəcəyi sual altındadı idi. Lakin Almaniya mediasının yazdığına görə, Mahirin vəziyyəti yaxşılaşmaqdadır.

"Nürnberq"in baş məşqçisi Miroslav Kloze dünən keçirdiyi mətbuat konfransında bildirib ki, əgər son anda futbolçunun ayağında yenidən problem yaranmasa, o, qarşıdakı görüşdə iştirak edəcək.

Qeyd edək ki, "Ayntraxt"la oyun "Nürnberq"in bu mövsümdəki son matçı olacaq. Bundan sonra M.Emreli klubu tərk edəcək.