“Barselona” Rafinya ilə yeni müqavilə imzalayacaq

"Barselona" hücumameyilli yarımmüdafiəçisi Rafinya ilə yeni müqavilə imzalamağa hazırlaşır.

Futbolxeber.az saytının məlumatına görə, bu barədə "Mundo Deportivo" məlumat yazıb.

Kataloniya təmsilçisi tezliklə futbolçu ilə müqaviləsini 2029-cu ilin yayına qədər uzadacaq. Tərəflər artıq prinsipial razılığa gəliblər. Yekun danışıqların heç bir problem olmadan başa çatacağı gözlənilir.

Hazırkı müqaviləsi 2027-ci ilə qədər olan Rafinya komandanın ən çox maaş alan futbolçularından birinə çevriləcək. O, Səudiyyə Ərəbistanı klublarının marağına baxmayaraq, "Barselona"da qalmaq istəyib.

Qeyd edək ki, Rafinya bu mövsüm Kataloniya klubunun heyətində bütün turnirlər nəzərə alınmaqla 54 oyun keçirib, 34 qol vurub və 22 məhsuldar ötürmə verib.