“Qarabağ”ın sabiq qapıçısı B seriyasında

“Qarabağ”ın sabiq qapıçısı Vaqner Silva özünə yeni komanda tapıb.

Futbolxeber.az saytının məlumatına görə, 38 yaşlı futbolçu karyerasını vətəni Braziliyada davam etdirəcək. O, bu ölkənin B seriyası təmsilçisi “Operario Ferroviario” klubu ilə müqavilə imzalayıb.

Qeyd edək ki, Vaqner Silva 2018/19 mövsümündə “Qarabağ”da oynayıb. O, sonra karyerasını müvafiq olaraq “Nasional” və “Torreense”də (hər ikisi Portuqaliya) davam etdirib. Vaqner 2024-cü ilin yayından klubsuz idi.