Felipe Luis: “Juninyonun hücum xəttimizi gücləndirəcəyinə şübhəm yoxdur”

“Flamenqo”nun baş məşqçisi Felipe Luis “Qarabağ”dan transfer etdikləri Juninyo barədə fikirlərini bildirib.

Futbolxeber.az saytının Braziliya mətbuna istinadən verdiyi məlumata görə, 39 yaşlı mütəxəssis yeni hücumçuları haqda danışarkən onun barəsində müsbət sözlər deyib və komandaya çox fayda verəcəyini söyləyib.

“Atletiko” Madriddəki çıxışları ilə tanınan Felipe Luis keçirdiyi mətbuat konfransında bildirib:

“Juninyo bizə qoşuldu. Onun hücum xəttimizi gücləndirəcəyinə şübhəm yoxdur. O, oyun modelinin tələb etdiyi xüsusiyyətlərə malik hücumçudur və bizə çox köməyi dəyəcək. Komandanın səviyyəsini, məşq mədəniyyətini yüksəldəcək. Juninyo böyük ambisiyaları olan futbolçudur”.

Xatırladaq ki, Juninyo bu günlərdə “Flamenqo” ilə 2028-ci ilin sonuna qədər müqavilə imzalayıb.