“Qarabağ”ın rəqibi qələbəni əldən verdi

Rumıniya çempionatında 20-ci turun oyunları keçirilir.

Futbolxeber.az saytının məlumatına görə, UEFA Avropa Liqasında “Qarabağ”ın rəqiblərindən olan FCSB səfərdə “Farul Konstanta”nın qonağı olub. Matç 1:1 hesabı ilə yekunlaşıb.

 “Qarabağ”ın rəqibi 19-cu dəqiqədə Darius Olarunun qolu ilə hesabda önə keçsə də, sona 12 dəqiqə qalmış qapısında qol görməklə qələbəni əldən verib.

Bu heç-heçədən sonra FCSB xallarının sayını 34-ə çatdırmaqla turnir cədvəlində üçüncü pillədə qərarlaşıb. Buxarest təmsilçisi lider “Universitatya Kluj”dan 2, ikinci pillədəki “Dinamo”dan 1 xal geri qalır.  

Qeyd edək ki, FCSB  "Qarabağ"la Avropa Liqasının Liqa mərhələsinin 7-ci turunda, gələn il yanvarın 23-də Bakıda qarşılaşacaq.