Valdes: “İngiltərə Premyer Liqasında çıxış etmək istərdim”

“Barselona”nın qapıçısı Viktor Valdes klubdan ayrılmaq istəyini bir daha bəyan edib. Futbolxeber.az-ın məlumatına görə, təcrübəli qapıçı İngiltərə çempionatında oynamaq arzusunu dilə gətirib: “Mən başqa bir futbol mədəniyyətiylə tanış olmaq, səyahət etmək istəyirəm. Mənim peşəm də belə səyahətlər etmək üçün imkan verir. “Barselona”da çox gözəl anlar keçirmişəm. Hər zaman bura qayıdacağam. Əlbəttə, daha çox İngiltərə Premyer Liqasında oynamaq istərəm. Orada qapıya daha çox zərbə endirirlər. Bundan əlavə, orada futbolçulara azarkeşlər tərəfindən xüsusi hörmət bəslənilir. Biz isə belə hallara öyrəşməmişik".

 

Qeyd edək ki, bir müddət əvvəl “Barselona”rəhbərliyi Valdeslə yeni müqavilə bağlamaq istəsə də, qapıçı bundan imtina etmişdi.