Murat Yakın İtaliya ilə oyun haqda: “Penaltilər üzərində çalışmışıq”

İsveçrə millisi bu gün Avro-2024-ün 1/8 final mərhələsi çərçivəsində İtaliyaya qarşı keçiriləcək oyun üçün penaltilər seriyasına hazırlaşıb.

Futbolxeber.az saytının məlumatına görə, bu barədə komandanın baş məşqçisi Murat Yakın deyib.

“Penaltilər üzərində çalışmaq üçün vaxtımız oldu. Hamı 11 metrlik cərimə zərbəsini yerinə yetirmək şansı qazandı. Biz özümüz üçün müəyyən qeydlər apardıq. Təbii ki, məşqdə vurulan zərbə ilə stresli bir anda vurulan penalti arasında ciddi fərq var. Əvvəlki turnirlərdən oyunsonrası penaltilərlə bağlı təcrübəmiz var. Lakin ümid edirik ki, biz İtaliya ilə oyunda əsas vaxtda qalib gələcəyik”, - deyə M.Yakın bildirib.

Qeyd edək ki, bu gün Avro-2024-ün 1/8 final mərhələsi çərçivəsində keçiriləcək İsveçrə-İtaliya oyunu Bakı vaxtı ilə 20:00-da start götürəcək.