Niderland millisinin qapıçısı Avropa çempionatının rekordçusu oldu

Avro-2024-ün ikinci turu çərçivəsində Fransaya qarşı keçirilən oyun (0:0) Niderland millisinin qapıçısı Bart Verbryuqqen üçün əlamətdar olub.

Futbolxeber.az saytının məlumatına görə, fransızlarla görüşdə qapısını toxunulmaz saxlayan gənc qolkiper rekord imza atıb. Belə ki, Verbryuqqen Avropa çempionatları tarixində 90 dəqiqə ərzində qapısında qol görməyən ən gənc qapıçı olub. Dünən Fransaya qarşı keçirilən matç zamanı 21 yaş 307 günlüyündə olan Bart Verbryuqqen qapısına vurulan hər 3 zərbəni dəf edib.

Qeyd edək ki, əvvəlki rekord Petr Çexa məxsus idi. Çex qapıçı Avro-2004 zamanı 22 il 38 günlüyündə Danimarka ilə matçda qapısını qolsuz saxlaya bilmişdi.