Harri Keyn Danimarka ilə oyundan danışdı

İngiltərə milli komandasının kapitanı Harri Keyn Avro-2024-ün ikinci turu çərçivəsində Danimarkaya qarşı keçirilən oyunu (1:1) şərh edib. 

 

Futbolxeber.az saytının BBC Sport-a istinadən verdiyi məlumata görə, 30 yaşlı hücumçu bildirib ki, komandası öz oyununu daha da yaxşılaşdıra bilər: 

 

“Turnirin startından öncə biz deyirdik ki, heç bir oyun asan keçməyəcək. Düşünürəm ki, Danimarka ilə matçda buna şahidlik etdik. Topla və topsuz oyunumuzu daha da yaxşılaşdıra bilərik. Biz qrupda liderik, lakin daha da yaxşısını bacararıq. Ola bilər ki, bugünkü nəticə İngiltərədə müəyyən söz-söhbətlərə və narazılıqlara yol açsın. Ötən Avropa çempionatında Şotlandiya ilə heç-heçədən sonra da eyni halla üzləşmişdik. Biz addım-addım pik formamıza çatacağıq”. 

 

Qeyd edək ki, 2 turdan sonra 4 xalı olan İngiltərə millisi qrupdakı son oyununda Sloveniya ilə üz-üzə gələcək.