Çin klubu rusiyalı məşqçiyə tapşırıldı

Leonid Slutski Çinin “Şanxay Şenxua” klubunun baş məşqçisi təyin edilib.

Futbolxeber.az-ın klubun saytına istinadən verdiyi məlumata görə, rusiyalı mütəxəssis yeni işinə yanvarın 1-dən başlayacaq.

Lakin Slutskinin müqaviləsinin detalları barədə məlumat verilməyib.

Qeyd edək ki, “Şanxay Şenxua” son mövsüm Çin çempionatını 5-ci pillədə başa vurub.

Leonid Slutskinin son iş yeri “Rubin” olub. O, ötən ilin noyabrında Kazan klubundan ayrılıb.

Əlavə edək ki, Slutski buna qədər 2 dəfə ölkə xaricində - “Hall Siti” (2017) və “Vitess”də (2018/19) çalışıb.