“Traktor”dan gözlənilməz məğlubiyyət

İran çempionatında 7-ci turun oyunları keçirilir.

Futbolxeber.az saytının məlumatına görə, “Traktor” öz meydanında “Şəms Azər Qəzvin”i qəbul edib. Təbriz klubu matçın aşkar favoriti hesab olunsa da, gözlənilməz məğlubiyyətlə üzləşib. Belə ki, artıq 46-cı dəqiqədə hesabda 0:3 geri düşən “Traktor”un gücü yalnız buraxılan qollardan ikisinin əvəzini çıxmağa yetib - 2:3.

Qeyd edək ki, ardıcıl 4 qələbədən sonra uduzan Güney Azərbaycan təmsilçisi hazırda 12 xalla dördüncü pillədə qərarlaşıb.