“Qarabağ”ın rəqibi yoxlama görüşü keçirəcək

“Qarabağ”ın UEFA Avropa Liqasının qrup mərhələsində rəqibi olan Almaniyanın “Bayer Leverkuzen” klubu yoxlama görüşü keçirəcək.

Futbolxeber.az saytının məlumatına görə, baş məşqçi Xabi Alonso yetirmələrini sentyabrın 7-də sınaqdan keçirəcək.

Rəqib Regionalliqa təmsilçisi “Alemanniya” olacaq. “Bay Arena”da baş tutacaq görüşdə “Bayer 04”ün əsasən U-19 və U-17 komandalarının üzvləri iştirak edəcəklər. Çünki əsas komandanın 15 futbolçusu müxtəlif millilərə çağırılıb.

Qeyd edək ki, “Qarabağ”la “Bayer Leverkuzen” arasında oyunlar oktyabrın 26-da Leverkuzendə, noyabrın 9-da isə Bakıda keçiriləcək.