“Herta”dan unikal göstərici

Almaniyanın “Herta” klubu ikinci Bundesliqa çərçivəsində “Fortuna” ilə görüşdə unikal göstəriciyə imza atıb.

Futbolxeber.az saytının məlumatına görə, Berlin klubunun heyətində eyni anda meydanda 3 qardaş olub - Bens Dardai, Marton Dardai və Palko Dardai. Marton start heyətində yer alıb, Palko 29-cu dəqiqədə Vinklerin əvəzinə, Bens isə 78-ci dəqiqədə Klemensin əvəzinə meydana çıxıb.

Maraqlıdır ki, “Herta”nın baş məşqçisi də onların atası Pal Dardaidi. Vaxtı ilə o da futbolçu kimi “Herta”da forma geyib.

Qeyd edək ki, “Fortuna” ilə matç “Herta”nın 0:1 hesablı məğlubiyyəti ilə yekunlaşıb.