Mane “Əl-Nəsr”də ildə 40 milyon avrodan çox qazanacaq

“Əl-Nəsr”ə keçməyə yaxın olan “Bavariya”nın hücumçusu Sadio Manenin sözləşməsinin maddi detalları məlum olub.

Futbolxeber.az saytının “Sky Sport”a istinadən verdiyi məlumata görə, seneqallı futbolçu ildə 40 milyon avrodan çox qazanacaq.

Manenin tezliklə tibbi müayinədən keçdikdən sonra Səudiyyə Ərəbistanı klubu ilə rəsmi müqaviləyə imza atacağı gözlənilir.

Xatırladaq ki, ötən yay “Liverpul”dan “Bavariya”ya transfer olunan Sadio Mane Münhen klubunun heyətində 38 matçda 12 qol vurub.