Mbappe “Real”la razılığa gəldi: 5 illik müqavilə, illik 50 milyon avo maaş

PSJ-nin hücumçusu Kilian Mbappe ilə “Real” arasında aparılan danışıqlar müsbət yekunlaşıb.

Futbolxeber.az saytının “Cadena SER”ə istinadən verdiyi məlumata görə, fransız futbolçu “Kral klubu”na keçməyə razılaşıb.

Razılaşmaya əsasən, Mbappe 5 illik müqaviləyə imza atacaq. Onun illik qazancı 50 milyon avro təşkil edəcək.

Keçidin tezliklə rəsmən ictimaiyyətə açıqlanacağı gözlənilir.

Qeyd edək ki, “Liverpul” da Mbappe ilə maraqlanırdı. İngilislərin 24 yaşlı futbolçu üçün PSJ-yə 200 milyon avro təklif etdiyi deyilir.