Kaysedo “Bavariya”ya keçiddən imtina etdi

“Brayton”un yarımmüdafiəçisi Moyses Kaysedo “Bavariya”ya keçiddən imtina edib.

Futbolxeber.az saytının xarici KİV-ə istinadən verdiyi məlumata görə, 21 yaşlı yarımmüdafiəçi karyerasını Premyer Liqada qalmaq qərarına gəlib.

Daha əvvəl “Çelsi”nin Kaysedo üçün 80 milyon avro təklif etdiyi barədə xəbərlər yayılıb. Futbolçunun “Brayton”la 2027-ci ilə kimi müqaviləsi var.

Qeyd edək ki, Kaysedo son mövsüm bütün turnirlər nəzərə alınmaqla 43 matçda meydana çıxıb, 1 qol vurub.