Debüt oyununda “Qarabağ”a qol vurmasını şərh etdi

“Ferensvaroş”un yeni transferi Barnabaş Varqa “Qarabağ”a qarşı yoxlama matçında iştirak edib.

Futbolxeber.az saytının məlumatına görə, bu, 28 yaşlı mərkəz hücumçusunun Budapeşt təmsilçisində ilk oyunu olub. Barqa debütünü qolla qeye dib. O, 3:3 hesabı ilə yekunlaşan görüşdə komandasının ilk qoluna imza atıb.

Futbolçu “Ferensvaroş”un saytına açıqlamasında vurduğu qol və oyunla bağlı təəssüratlarını bölüşüb:

“Hətta yoxlama oyununda olsa belə, qol vurmaq hücumçuya özünəinamı artırır. Şadam ki, “Ferensvaroş”da debüt matçımı çox gözləmədim. Azərbaycan çempionu ilə matçın yoxlama görüşü olmasına baxmayaraq, oyun yüksək səviyyədə keçdi. Azarkeşlər çoxlu qol görə bildilər. Biz də “Qarabağ” kimi daim Avropa kuboklarında oynayırıq. Odur ki, hiss edilirdi ki, bu matç tamamilə başqa səviyyədir”.

Futbolxeber.az-ın teleqram kanalına abunə olun